E artista Arubiano Gustave Nouel ta apoya e intercambio cultural di pintamento di ‘street portraits’ logrando e mes hopi exito riba e plasanan renombra cu su arte. El a participa na 2010 den un competencia chikito di ‘street portraits’ titula ‘In the Picture’ na Place du Tertre, na Almere. Despues di algun siman el a ricibi e grato sorpresa, cu e hurado a selecta su persona entre e cinco finalistanan. E sorpresa tabata mas grandi ainda ora cu su ‘street portrait’ a haya mas voto di e publico cu tur e otro cuater finalistanan hunto.
Tur e añanan cu Gustave Nouel a pinta potret riba e plasanan no tabata por nada, esaki tabata un bon experiencia, pero no esun miho. Su miho experiencia te ainda ta cu su cursonan exitoso basa riba su experiencia cu e tecnica universal, simpel y efectivo di ‘street portraits’. Como specialista e ta haya hopi invitacion pa comparti su experticio. GN ta contesta e pregunta con e ta proyecta realisacion di ‘street portraits’ pa e mercado turistico den nos region.
Den edicion di Focus Digital Magazine di e luna aki, por lesa mas tocante Gustave Nouel su opinion di entre otro di e desaroyo di arte na Aruba. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
