Un total impresionante di 33 medaya ta locual Anaël Misiedjan a logra te cu awo cu 13 aña di edad. El a cuminsa cu 5 aña cu turnen na De Raddraaiers y e siguiente aña ya el a wordo escogi pa ta den e seleccion. For di chikito el a sa di cumpli cu su training cu hopi disciplina, pero door di e restriccionnan di Covid, e gymzaal a cera pa 4 luna. Esaki tabatin como consecuencia cu Anaël no por a haci turnen optimalmente mas.

E ora el a switch pa landamento sincronisa formando parti di Barracudas Artistic Swimming Aruba. Den un aña el a obtene 4 strea, algo cu casi nunca sa pasa. E ta awo ya 2 aña den e deporte y su prome competencia internacional tabata na mei ultimo. Esaki tabata na Coral Springs Worldwide Invitational 2022, unda Anaël a gana 1 silver pa ‘figures’ y 1 silver pa ‘solo’. Prome cu e ultimo competencia internacional cu Anaël a participa, el a competi den 12 competencia di turnen na Aruba y 5 competencia internacional.

Den edicion di Focus Digital Magazine di e luna aki, por lesa mas di e logronan di Anaël Misiedjan. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)

LEAVE A REPLY

Please enter your comment!
Please enter your name here