‘Loba Herida’ ta conta un storia di pasion, deseo, locura y amor. Di un dama cu apesar di tur sla di bida, a dicidi di duna su mes un otro oportunidad pa kere den amor. Un persona cu a sa di disfrasa su mes manera un wolf y a logra conkista e dama aki, pero cu tambe a laga e curason ta yora, manera un ‘Loba Herida’. Karena a scoge e titulo ‘Loba Herida’, paso entre otro un wolf semper ta biaha den grupo, y ora el a haya sa cu e no tabata e unico persona den bida di e wolf aki, el a realisa cu e ta forma parti di e grupo. E cancion ta basa riba un storia real y Karena ta comparti esaki, paso e ta kere cu hopi dama lo sinti nan mes identifica cu ne.

‘Loba Herida’ ta un balada ranchera, y e areglo musical ta un combinacion di Jaime Leon A y Hubert Thiel. E areglo original a wordo haci na Mexico y ta composita door di Karena mes. Un danki special ta bay na tur e sponsernan cu a haci posibel e realisacion di e proyecto aki. LP Consulting, Aruba Factory Nails pa su huñanan, Mirrors Beauty Academy y Edgar Kock cu tabata Karena su estilsta for di comienso te final. Na My Fitness Gym cu semper a apoya Karena cu tur su proyectonan. Na Ocean Lounge y na un persona cu a prefera di keda anonimo, pero cu a kere den su persona.

Danki tambe na: Venus, Luna, Malibu y Tequila su 4 husky. Na Mariachi Perla di Aruba, Hubert Thiel pa su pasenshi y empuhe, Dani Cruz di Aerial Eyez cu ta e wowo tras di e camara, Marlon Dubero pa dirigi e videoclip, Guido Carlo, su famia y specialmente na su yiu homber Deon, cu a para 100% tras di dje.

LEAVE A REPLY

Please enter your comment!
Please enter your name here