Cu tur e comeback trends di e añanan 2000. E Corset tabata inevitabel. Comokiera cu bo bisti’e… cu jeans, carson of saya! E ta y ta sigui duna un look chic y un cintura bunita.
Cabey Copper ta e color perfecto pa e lunanan aki. E aña ta emocionante ora ta trata di hairstyle y color di cabey. Bo ta durf? Awel bay p’e!
No ta tur hende lo opta pa e huñanan largo cu e colornan briyante y p’esey nos a wak algo mas trankilo riba catwalk durante e ultimo desfilenan di moda. E mini ‘french nails’.
E fashionista, Swesdy Beeldsnijder, ta trece e ultimo trends pa tur e fiel siguidonan di InStyle den Focus Digital Magazine, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
