Hopi investigado ta kere cu webo ta fundamental pa un bida largo y saludabel. Un di e hende muhenan mas bieu di mundo, Emma Morano, cu a biba te cu 117 aña, a yega di bisa cu su secreto pa biba largo y un bida saludabel ta door di come webo. El a come dos webo pa dia durante e ultimo 90 añanan di su bida. E dieta aki a yud’e logra biba te na un edad asina remarcabel.
Tin mas prueba cu webo por ta un factor pa un bida largo. Hopi nutricionista ta sugeri cu comiendo webo ta proporciona hopi beneficio pa e salud. E dokternan tambe ta conseha pa agrega webo na e dieta di e pashentnan cu tin cierto enfermedad. E hendenan cu a come mas webo despues cu nan dokter a recomenda nan, a mustra un progreso den nan salud y a biba mas aña. Den e articulo aki ta papia tocante e beneficionan cu webo tin hunto cu e cantidad adecuado cu un persona por come den un dia.
Ki ta pasa e curpa ora un hende come webo tur dia?
E webonan curu ta proporciona hopi vitamina, nutriente y antioxidante. Come webo tur dia ta proporciona e nutrientenan aki; e mayoria di nan ta beneficioso. Webo ta contene antioxidante manera zeaxanthin y lutein, cu ta proteha e wowonan y ta preveni enfermedad relaciona cu e bista.
Si ta come webo tur dia, bo ta yuda e curason. E webonan ta yen di HDL y LDL. E colesterol bon ta yuda proteha bo curason di e colesterol malo. Sinembargo door cu e webonan ta contene tambe e colesterol malo, mester limita e consumo di webo. E webonan tambe tin ‘fatty acids’, Omega-3 cu ta elimina e colesterol malo di e curpa.
Come webo ta yuda tambe cu e celebro ta funciona miho. E webonan ta rico na ‘choline’ cu ta yuda e celebro funciona miho. Tambe e ta nutritivo; mester come al menos un webo pa dia pa obtene un excelente fuente di ‘choline’.
E webonan ta yuda fortalece e sistema inmunologico ya cu nan ta rico den vitamina A y vitamina B-12. Webo ta contene tambe otro nutriente y antioxidante, cu ta mehora e sistema inmunologico den e curpa. Comiendo webo ta duna bo mas energia. Mester come mas webo, ya cu nan ta yen di nutriente cu ta laga bo sinti yen y cu energia.
Tin dokternan cu ta conseha tambe na nan pashentnan pa come mas webo pa preveni cierto condicion di salud. Por purba haci diferente plato cu webo y agrega nan den bo dieta. Sinembargo mester limita webo den bo dieta ya cu come den exceso por aumenta e riesgo pa desaroya afeccion medico nobo.
