Jerry Hall, cu tin actualmente 65 aña, a pidi pa su divorcio di e multimiyonario di 91 aña Rupert Murdoch. El a menciona diferencianan ireconciliabel y e ta pidiendo pa sosten financiero di Murdoch y tambe pa e paga e gastonan di abogado.
E entrega di divorcio di Jerry Hall a ser anuncia despues cu fuentenan familiar cu e situacion a bisa The New York Times cu Hall y Murdoch ta divorciando. Segun cu a ser informa cu e personanan cercano di e pareha tabata den shock cu nan ta bay divorcia.
Jerry Hall y Rupert Murdoch a cuminsa sali den zomer na 2015 despues cu un ruman muhe di Murdoch y su subrina a cera nan conoci cu otro na Australia. Nan a anuncia nan compromiso e siguiente aña na januari mientras nan a mantene gran parti di nan romance priva.
E awo ex-pareha a casa durante un ceremonia civil na Spencer House na Londen dia 4 di maart 2016. E tabata e prome matrimonio di Jerry Hall, cu tabatin un relacion cu Mick Jagger durante mas de dos decada y nan tin cuater yiu. Esaki lo ta di cuater divorcio di Murdoch.
