Biahamento sigur ta un di e puntonan di conexion entre Errol Farro y Mabel Farro-De Cuba pa nan a forma un relacion como pareha. Nan ta comparti loke ta inspira nan pa biaha, nan miho tips pa un trip ta exitoso y cua ta nan miho remedi pa jetlag. Locual ta e cosnan cu absolutamente nan no por biaha sin dje y e mas aventurero cu nan a haci mientras nan tabata biaha. Errol y Mabel ta comparti nan album di e recuerdonan te awo inolvidabel di nan diferente biahenan.
Como un persona cu gusta avansa y innova den e area di beyesa, Ahudoni Cruz-Medina a dicidi di haci un switch pa bay den e area di spa. P’esey a haci e cambio di su negoshi di estetica pa Aruba Perfect Tan, cu ta novedoso na Aruba door cu no tabatin e servicio aki presenta den nan concepto unico. Despues di tur e turbulencia sentimental Karena Maduro su curason ta cla pa un amor nobo. El a kere cu hamas e por a bolbe tin sentimentonan asina fuerte, pero awo e sa cu si e tin e capacidad di bolbe stima y duna e mesun bon trato cu semper el a sa di duna.
Ta e presidente actual di Women EmpOwering Women ta significa pa Rocío Burgos, cu e tin e oportunidad di amplifica nan obhetivo di sigura continuidad di nan mensahe y legado di ‘female empowerment’. Pa e beyesa Giorgina Martinus pa logra un soño no tin excuus ni edad. E ta sinti sumamente orguyoso cu titulo di Virreina Señora Turismo World 2022.
E mama di Mia Beatriz Fernandez y Neyhiah Lykxienne Arends, ambos tabata riba portada di FOCUS y awo nan ta comparti un ocasion hopi special pa nan como mama. E ocasion aki ta un otro experiencia extraordinario, cu ta e celebracion di e Prome Santa Comunion di nan yiu muhe. Luisana Cicilia y Gionina Engelhardt a acompaña nan yiu muhe durante e bunita ceremonia aki.
Lo sigui elabora mas di e interesante contenido FOCUS Digital Magazine di e luna di juli den e siguiente posts durante e dianan venidero. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
