Aña pasa na februari ‘Aruba Perfect Tan’ a cuminsa brinda su servicio den un concepto unico y novedoso na Aruba. Como un persona cu gusta avansa y innova den e area di beyesa, Ahudoni Cruz-Medina a dicidi pa haci un switch di su negoshi di estetica pa bay den e area di spa. Na comienso e comentario cu Ahudoni a haya tabata dicon net ‘tanning’ mientras na Aruba tin solo. Sinembargo esey mes ta loke a inspir’e pa inicia cu ‘Aruba Perfect Tan’, paso cu nos solo fuerte e hendenan mester drumi den solo conscientemente pa haya un bunita color, pero na un manera responsabel y saludabel.
Nan ta evalua e tipo di cuero di cada persona, si e ta hopi blanco, medium of un tiki bruin. Normal tur hende mester tres sesion, paso e prome biaha e cuero ta bay cura di e solo, e di dos sesion e color ta keda mas pareu y di tres sesion ya ful e color pareu. E ora por continua cada luna haci 1 biaha pa mantencion. Den e prome sesion por logra den 1 ora y mey den solo un resultado hopi bunita, unda nan ta controla e tempo, posicion expone den solo y aplicando productonan special for di Brasil, cu no ta haya aki riba mercado.
Nan mes ta traha e bikini cu tape na midi y henter e experiencia na ‘Aruba Perfect Tan’ ta realmente unico y fantastico. Den edicion di Focus Digital Magazine di juli, Ahudoni Cruz-Medina ta splica den detaye kico tur ta encera un sesion di ‘tanning’ na ‘Aruba Perfect Tan’. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
