Ivana Trump, e prome casa di Donald Trump, su fayecimento a keda revela den un comunicado pa su famia diahuebs, cu un tributo profundo y sincero pa su tres yiunan. E ex-presidente di Merca a emiti un comunicado tocante su morto bisando, cu e ta hopi tristo pa informa na tur esunnan cu a stime, cu ta hopi, cu Ivana Trump a fayece na su cas na New York City.
Ivanka Trump a post riba Twitter cu su curason ta kibra cu e fayecimento di su mama, cu tabata briyante, encantador, apasiona, dibertido y cu a biba su bida sin perde nunca e oportunidad di hari y baila. “Mi lo haya su falta pa eternidad y lo mantene su memoria bibo den nos curason pa semper”.
Desde cu Ivana a divorcia di Trump, el a lansa varios linea di paña, joya y producto di beyesa, y el a skirbi su memoir di e tempo cu e tabata casa, cu a ser publica na 2017. Nan relacion despues di e split tabata positivo, manera el a skirbi den su buki cu el a mantene contacto cu e tata di su yiunan papiando tur siman cu ne.
Con Ivana Trump a muri? Segun Associated Press, Ms Trump a ser haya inconscientemente cerca di un trapi den su cas na New York. Na e etapa aki, ta kere cu el a sufri un caida, cu polis bisando cu e causa di su morto probablemente ta accidental. El a ser haya den su cas na Manhattan alrededor di 12:40 pm despues cu un hende a yama 911 pa informa cu un hende, cu e ta kere cu ta Ms Trump, a sufri di un ataca di curason
Segun su propietario, Ivana Trump a bishita su restaurant faborito, Altesi Ristorante, e dia prome cu el a muri. Nan a bisa mientras cu Ms Trump tabata mustra cu bon animo, e tabata tambe mustra mas cansa cu custumber. E propietario Paola Alavian a bisa cu su salud tabata mustra normal, kisas un poco cansa, pero apart di esey e tabata okay.
