Algun dia pasa, Dennis Yadiel Sánchez, subrino di Ricky Martin, a demanda e cantante pa violencia domestico y presunto acto di acoso, pa cual e abogadonan a sigura cu no ta existi prueba contundente pa esaki procede. Sinembargo awe mainta e astro di musica latino tabata den e Tribunal di San Juan, sala municipal, pa responde na e denuncia den su contra.
Horanan despues cu hues a rechasa e caso contra Ricky Martin, el a papia tocante e acusacionnan ‘doloroso’ y ‘devastador’ haci den su contra, segun ta ser bisa pa su subrino, mientras e ta pone su atencion pa su curacion.
E cantante di 50 aña, a dirigi na su fans dilanti camera y el a splica cu ainda e no a papia tocante e denuncia di abuso sexual, pasobra e tabata legalmente obliga pa warda silencio te su dia den corte. Un orden di restriccion contra Ricky Martin a ser rechasa pa un hues despues cu e acusador di e cantante Portoriqueño a pidi pa deshaci di e caso.
“Mi ta dilanti camera awe pasobra realmente mi mester papia pa por cuminsa cu mi proceso di curacion”, Ricky a bisa den e video. “Durante dos siman, nan no a permiti pa mi defende mi mes pasobra mi tabata sigui un procedimiento den cual ley ta obliga mi pa no papia te ora mi tabata dilanti hues”.
