Cu e titulo di Virreina Señora Turismo World 2022, Giorgina Martinus ta sinti sumamento orguyoso. Giorgina a carga e sjerp cu e nomber di ARUBA, inscribiendo den e certamen mientras e tabata sa, cu e lo tin e posibilidad di hiba e titulo maximo of no logra nada. Sinembargo e ta sinti su mes un ganadora pa e solo hecho di a para riba e stage y duna e miho di dje.

Apart di e experiencia cu el a adkeri, e no lo cambia debi cu cada paso tuma ta lag’e yega mas cerca na e metanan, cu e ta desea pa wordo cumpli. E tin e momentonan unico den su memoria, cu personanan excepcional cu el a conoce durante e certamen, cu tabatin Aruba como su cede. Henter e preparacion di Giorgina a tuma luga na Aruba mes. E ta bisa cu ta Danki na tecnologia cu e por a keda den contacto y ta na altura di tur loke tabata pasando cu su preparacion.

Esaki tabata Giorgina su prome concurso den e categoria di señora, y el a haya algun propuesta pa participa den certamennan internacional. Den edicion di Focus Digital Magazine di juli por lesa mas di Giorgina Martinus. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)

1 COMMENT

LEAVE A REPLY

Please enter your comment!
Please enter your name here