Antoho generalmente ta cuminda cu ta yuda nos calma cualkier tipo di ansiedad. Pero loke nos no sa ta, cu e alimentonan aki por ta un aviso di nos curpa, di loke realmente ta pasando. Ta normal cu tin biaha bo kier pizza of bolo y por ta cu bo ta wak esey como algo casual, pero e cos por ta mas profundo. Antoho tipicamente ta bin di deficiencia di nutriente, si nos no ta comiendo un dieta suficiente balansa.
French fries
Antoho intenso di come french fries of otro alimento rico den salo, por ta un señal di deshidratacion. Salo ta afera na awa y ta atrae den curpa y ora bo tin acceso di sodio den bo curpa y bo sanger, bo curpa por cuminsa anhela mas alimento rico den sodio, pa yuda bo atrae mas awa.
Chuculati
Hopi specialista ta confesa cu e ansiedad pa chuculati ta sintoma cu bo curpa tin nivel abou di magnesio y specialmente si bo tin bo menstruacion of ta na estado. Magnesio ta vital pa regula e nivelnan di insulina y si bo tin antoho di chuculati, purba come almendra of berdura di blachi berde.
Carni cora
E antoho aki hopi biaha ta presenta cerca e personanan anemico of cu contenido abou di hero den sanger y e por tin di haber cu nan ta falta di e nutrientenan basico y clave den nan organismo. Carni cora tin contenido halto di hero hemo, cu ta e tipo di hero mas facilmente absorbi cu ta haya den alimento. Pues si tin e antoho aki, inclui bonchi, tofu, noot y incluso cereal rico cu hero.
Cos dushi
Esaki ta probablemente cu nos ta falta di soño y hende ta uza sucu como un forma pa combati cansancio. Cos dushi por duna un ‘rafaga’ rapido di energia y yuda bo sinti mas lanta, aunke djis ta pa un momento.
