Desde 2015 ta haci escogencia di un luna den aña, unda FOCUS ta enfoca riba e temanan relaciona cu salud, beyesa y bienestar. El a toca e luna aki di augustus pa highlight e temanan aki den e edicion, cu a bira di 24 revista cu ta wordo publica riba e plataforma innovativo di Focus Digital Magazine.
Den e contenido di interes general tin e topiconan cu e expertonan riba cada area ta comparti algun conseho valioso. E dietista y nutricionista, Charlene Leslie, ta mustra con pa calcula y evalua cuanto un persona lo mester di diferente grupo di alimento. Ademas di enfoca riba kico nos ta come ta importante pa evalua tambe cuanto y con nos ta come.
Dokter Orlando Rodríguez Anato, kende tin 31 aña eherciendo como ciruhano plastico na Venezuela, ta conta cua ta e cirugianan cu mas e ta haci actualmente. E ta comparti algun potret hopi impresionante di ‘antes y despues’ di algun cirugia, cual por mira cu e cambionan ta natural, bunita y extraordinario.
Hopi hende di otro pais ta bini cerca Dokter Mila Ponson na Brasil pa haci ‘transplante capilar’, cu ta e tratamento mas innovador di actualidad. Dokter Ponson ta aclarea tambe di e mitonan tocante e tratamentonan estetico. Focus Digital Magazine ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
