![](https://focus.aw/wp-content/uploads/2022/09/Corona-di-Flor-Queen-Elizabeth-0-1024x1024.jpeg)
E amor di Queen Elizabeth pa su esposo durante 73 aña, Prins Philip, a ser honra ora mundo a uni pa duna respet na e defunto monarca awe. Ora cu e caha a sali, e tabata decora den Royal Standard, riba cual a coloca e Imperial State Crown, orb y scepter, como un corona di flor escogi pa King Charles III.
![](https://focus.aw/wp-content/uploads/2022/09/Corona-di-Flor-Queen-Elizabeth-1-1024x683.png)
E corona di flor a inclui e flornan y foliage corta di e hardinnan di Buckingham Palace, Clarence House y Highgrove House. E corona di flor eligi pa King Charles III tabatin e flornan di rosemary y tambe myrtle, cu ta simbolisa un matrimonio feliz. Rosemary a ser inclui como un recuerdo y myrtle, ta como e simbolo di un matrimonio feliz. Esaki a wordo corta di un mata cu a ser cultiva for di un taki di myrtle di e bouquet di bruid di e Reina na 1947.
![](https://focus.aw/wp-content/uploads/2022/09/Corona-di-Flor-Queen-Elizabeth-3-1024x661.jpg)
English oak cu ta simbolisa e forsa di amor, tabata presente hunto cu e fragancia di pelargonios: rosa, hydrangea, sedum, dahlias y scabious den e tononan oro, ros y burgundy, cu toke di blanco pa pas cu e Standard Real. Como refleho di e compromiso di Charles cu medio ambiente, e corona a ser elabora di forma sostenibel, den un nest di moss Ingles y e ramanan di oak y sin e uzo di e foam floral.
![](https://focus.aw/wp-content/uploads/2022/09/Corona-di-Flor-Queen-Elizabeth-9-1024x642.png)
![](https://focus.aw/wp-content/uploads/2022/09/Corona-di-Flor-Queen-Elizabeth-11-800x1024.jpeg)
Mas di 2.000 persona, incluyendo e lidernan mundial y e miembronan di realesa cu a bin for di exterior, a mira con tabata transporta e caha den e mesun gang cu e monarca defunto a cana pa e casa cu Prince Philip casi 76 aña pasa.
![](https://focus.aw/wp-content/uploads/2022/09/Corona-di-Flor-Queen-Elizabeth-4.jpeg)
![](https://focus.aw/wp-content/uploads/2022/09/Corona-di-Flor-Queen-Elizabeth-8.jpeg)
![](https://focus.aw/wp-content/uploads/2022/09/Corona-di-Flor-Queen-Elizabeth-7.jpeg)