E reina di Chile, Cecilia Bolocco, ta casa cu e empresario miyonario, José Patricio Pepo Daire, despues di ocho aña di relacion amoroso. Cecilia ta e unico Miss Chile cu a converti den Miss Universe na aña 1987 tempo cu e tabatin 22 aña di edad. El a casa prome biaha cu e productor di television Mericano, Michael Young, na 1990. Cinco aña despues nan a separa y na 2001 a anula su matrimonio pa e casa cu e ex-mandatario argentino, Carlos Saúl Menem. Finalmente na 2007 nan a inicia cu e tramitenan di nan divorcio.
Na 2020 el a compromete cu Pepo Daire y nan a mantene e publico den expectativa riba e fecha di nan matrimonio. Segun diferente medio cu e matrimonio lo ta diasabra 22 di october mientras for di otro fuente cu nan lo cumpli nan promesa di amor den un ceremonia intimo diasabra 8 di october. E pareha a conoce otro danki na polo, un di e pasionnan cu ambos ta comparti. Nan a cuminsa nan relacion entre fin di 2014 pa inicio di 2015 y nunca mas nan a separa.
Ex-Miss Universo lo luci segun informacion un shimis di bruid di su diseñadora preferi Silvia Tcherassi di Colombia.Tcherassi tabatin e importante tarea tambe di diseña e shimis cu e presentadora di television a bisti tempo cu el a casa cu ex presidente Carlos Menem.
