Recientemente a tuma lugar den e prestigioso ballroom di The Ritz-Carlton, Aruba e magnifico celebracion anual ‘Five Star’ pa asina duna reconocimento na e Damanan y Cabayeronan di Aruba su hotel luhoso.
E evento anual yama ‘Five Star’ di The Ritz-Carlton, Aruba a tuma luga den presencia di un total di 150 empleado. Un anochi magico cu a wordi dirigi pa e maestra di ceremonia Rosabelle Illes. E Ballroom completamente transforma den e tema di e famoso pelicula Harry Potter pa asina duna antesala na un anochi sumamente importante enfocando riba tur e damanan y cabayeronan cu a destaca den e aña 2022.
Un anochi completamente dedica na e damanan y cabayeronan cu tabata altamente motiva durante aña y a brinda e servicio legendario cu The Ritz-Carlton ta conoci p’e y cu a contribui na un aña exitoso cu metanan alcansa.
A celebra e anochi aki den grandi, acompaña pa bon musica y un delicioso cena, y a tuma e oportunidad di reparti mas di 50 premio cu a varia entre 12 categoria; entre otro, Lider di Aña, Supervisor di Aña, ganadornan di Five Star den diferente division, y otro premionan manera ‘Making a Difference’, ‘Employee Promise’, ‘Creative Innovation’, Rising Star’ y mas. E tabata un anochi cu hopi alegria y emocion pa sa ken lo ta e destacadonan di aña 2022.
Lider di aña 2022: Alex Toro – representando departamento di Housekeeping
Supervisor di aña 2022: Simone Pinzone – Banquets
Ganadornan Five Star 2022
Veronica Ruiz – The Casino at The Ritz-Carlton
Jahrmael White – Culinary
Elba Fajardo – Housekeeping
Jose Deluque – Madero Pool & Beach Grill
Sherrelies Leest – Engineering
Riba un anochi asina special, tambe a tuma tempo pa por aplaudi Sr. Steven Redkoles, Area General Manager, cu a logra obtene e titulo maximo di General Manager di Aña 2022 di e region Caribe y Latinoamerica pa Marriott International. Sr. Redkoles a clausura e anochi magistral extendiendo palabranan di gratitud na tur e damanan a cabayeronan, y su bon deseonan pa un aña 2023 yena cu dicha y prosperidad.
