Como parti di e iniciativa di e comision organisatorio di e Bishita Real, MAISON RYON conhuntamente cu 5 otro ‘microbusiness’ tabata invita pa presenta nan producto y negoshi na e Famia Real. MAISON RYON a presenta na Famia Real su linea exclusivo di joyeria inspira riba e pinturanan di Indjan den Parke Nacional Arikok.
Riba e mesun dia aki tambe MAISON RYON a lansa nan linea nobo bou di e coleccion HERENCIA cu ta sjaal, foulards y lenso di seda inspira pa e tegel di casnan autentico Arubano transforma den diseñonan elegante y fluido, treciendo luho riba mercado cu un producto local di luho for di Aruba.
RYON ta conta den edicion di Focus Digital Magazine di februari cu e Famia Real tabata hopi interesa den e producto y e nificado. Hasta Reina Máxima a pidi RYON dos biaha pa su website pa asina e por busca e marca online. RYON a conta e Famia Real e storia di e linea di joyeria cual ta e hangernan di e pinturanan di indjan.
Lesa hopi mas detaye interesante cu RYON ta comparti den e revista cu accesibel gratis via Apple iStore, Android Google Play Store y www.focus.aw (Menu Tab FOCUS DIGITAL)
