Apesar cu Ben Affleck a insisti cu el a pasa bon cu Jennifer Lopez na Grammy, e pareha a bira un sensacion riba internet despues cu fanaticonan a afirma cu e tabata mustra laaf y miserabel durante e ceremonia. Tabatin un momento tenso unda nan ta parce di tabata memey di un pelea, cu por a ser mira riba e video cu a bay viral y a converti rapidamente den un meme riba e rednan social.
Affleck a revela den un entrevista loke realmente a pasa pa asina finalmente pone un punto tras di tur e speculacionnan. El a bisa cu ora el a mira e host Trevor Noah yega cerca y a pensa cu nan ta buscando nan den un shot, pero e no tabata sa cu ya e camera ta cendi. El a leun na su casa y bise cu mesora cu nan cuminsa graba, e ta bay y ta lag’e sinta hunto cu Trevor.
Sinembargo e plan di Ben Affleck no a impresiona Jennifer Lopez y el a bis’e miho e no bay, paso e ta algo di pareha. Ben ta compronde dicon e ‘viewers’ por a malinterpreta e escena ora el a admiti cu el a yega di bay eventonan y cu el a pasa hopi laf den pasado. Ben a admiti tambe cu e no tabata gusta cu e hendenan ta acuse di tabata burachi na e ceremonia, ya cu el a traha duro pa ta sober despues di su bataya contra alcoholismo.
