Un proyecto basa riba ofrece ayudo mientras tabata bende artesania di e comunidad indigena na Ecuador, tabata e inicio di loke awendia ta e filosofia tras di FAIR BLVD. E idea pa crea un marca unico a bin door cu Anika Stevens tabata kier a trece riba mercado algo berdaderamente autentico y bunita, mientras e tabata yuda e indigenanan. Sinembargo e kier a wak su mes tambe a traves di e piezanan cu e tabata bende, p’esey despues di a gradua cu un Master Degree den Luxury Management, el a dicidi pa combina luho y impacto social.
Loke a inspira Anika pa desaroya su idea tabata su amor pa impacto social, beyesa, biaha y expresion propio. Tin asina tanto beyesa na mundo cu merece ser mira. Ta dificil pa haya e piezanan cu sea ta realmente unico, cu tin un impacto social y cu ta mustra ken bo ta como persona. Durante su biahenen el a topa cu diseñador-, artesano- y comunidadnan indigena cu e por conecta cu nan. Hunto nan por construi e bida di nan soño. Cu FAIR BLVD e por combina tur cos.
Den edicion di Focus Digital Magazine di maart, Anika Stevens ta conta con despues di a wak un pelicula 7 aña pasa, el a bin na e idea di su negoshi. E revista ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
