Martha Stewart ta un di e modelonan selecciona pa e portada di Sports Illustrated Swimsuit den su edicion di 2023. Cu 81 aña, e empresaria ta e modelo di mas edad cu a luci den badpak riba portada di e revista, cual a ser califica como un logro historico! Stewart a comenta tocante su potret, cu el a gusta e imagen ora el a mustra esaki dialuna den e programa ‘Today’.
Martha a pose na Republica Dominicana pa e sesion di potretnan y el a aparece cu un total di diez looks. El a conta tambe cu ora el a haya sa cu e lo bay ta riba e portada di Sports Illustrated, cu el pensa cu esaki ta hopi bon, paso e lo bay ta e persona di mas edad cu a yega di aparece riba un portada di Sports Illustrated. Aunke e no ta pensa mucho riba e edad, pero ta kere cu esaki ta algo historico.
E carera di Martha Stewart a cuminsa como modelo tempo cu e tabatin 15 aña. Prome cu Steward a inicia un media empire, el a traha como stockbroker na New York City. Na 1999, Martha Stewart a converti den e prome hende muhe multimiyonario ‘self-made’ na Merca. Aunke ya e no ta multimiyonario, Martha Stewart ta sigui biba un bida yen di luho.
