Cu diferente promocion y regalo pa su clientenan, asina All To Car ta celebrando den e dianan aki e prome aniversario di Hozon na Aruba. Diabierna ultimo a haci presentacion di e marca y modelonan nobo cu ta incorporando na e famia y All To Car kier comparti tur e logronan aki cu e pueblo di Aruba.
E celebracion cu a cuminsa for di den luna di mei caba ofreciendo descuento y regalo pa e cumpradonan di un Hozon modelo Neta V of Neta U Pro, ta alcansa su punto maximo cu e anuncio cu All To Car a caba di keda re certifica door di e fabricante, y ademas awo ta un distribuidor oficial exclusivo pa Aruba, Boneiro, Corsou y Venezuela.
All To Car ta sumamente orguyoso di a ricibi e re certificacion y e titulo di distribuidor di manera oficial. Esaki ta un muestra di e seriedad di Hozon den su maneho y proceso, pero tambe di e confiansa cu tin den All To Car y e mercado di Aruba. Hozon ta un fabricante Chines di vehiculonan electrico funda na 2014 pa e Zhejiang Hezhong New Energy Automobile Company.
E seleccion di All To Car ta uno masha amplio y ta inclui tambe e marcanan Changan y Baw, cual ultimo ta e mas nobo na Aruba y tambe All To Car tin su certificacion como agente oficial. For di Baw a caba di ricibi un pick up super economico, pero cu tur e capacidad y comodidad di un pick up di luho.
Mescos ta tur otro modelo di All To Car, bo ta haya calidad halto, tur caracteristica tecnologico y luho, ademas di garantia y sosten di pieza y garashi na un prijs hopi accesibel. For di compacto y sedan, te na cross over y SUV, mientras cu pa uzo industrial tin tambe opcion di van, bus y truck di carga. Bo por scoge entre un vehiculo electrico, di diesel of di gasolin.
