Franye Brune, e creador di e marca di bikini BRUNE, ta considera su mes un persona clasico cu gusta loke ta minimalista, p’e menos ta mas. El a crece na Venezuela entre tela y mashin di cose door cu su mama tin un fabrica di tur tipo di paña. Franye ta sinti cu e tin cosemento den su ADN. Desde cu e tin memoria semper e tabata rondona pa e mundo di luz y camara den modelahe y publicidad.
Cu 19 aña el a emigra na Aruba pa puro casualidad, unda un vakantie cortico a converti den su hogar nobo. Yega na un pais unda bo no tabata domina e idioma tabata momento pa tuma decision. Franye tabata su so y mester a biba di algo. Cu su experiencia den modelahe el a cuminsa haci publicidad pa diferente marca local. Sinembargo semper ora e kier a bisti algo, nunca e tabata logra haya algo cu e ta gusta.
Cu miedo y hopi duda, Franye a inicia su marca di bikini den un camber chikito na su cas, unda e tabatin un mashin di cose, un sker y miles di idea creativo. Lesa e entrevista di Franye Brune, cu ta un inspiracion con pa supera den bida den Focus Digital Magazine di e luna aki. E revista ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
