Un spot cu e turistanan sigur tin poni riba nan itinerario di biahe ora nan bishita Medellin, Colombia ta Comuna 13. E comuna aki ta conoci cu e nomber “La cuna de Pablo Escobar”, unda antes tabata un epicentro di violencia, casnan mal construi memey di e ceronan, cayanan smal y steil, cual tabata genera mas ‘callejones y miradores’ ideal pa e delincuentenan y comercio di droga.
Eynan a sosode dos di e operacionnan militar mas sangriento y recorda di e ciudad, e operacion Mariscal y Orión. E relacion directo cu tabatin entre Comuna 13 y violencia, poco a poco a bay kedando atras, danki na e esfuerso di su comunidad, specialmente e artistanan hoben y sin duda e gobierno. Actualmente nan a converti Comuna 13 den un sitio totalmente turistico y realmente bale la pena bay conoce ora bo ta di bishita na Medellin.
Den Focus Digital Magazine di juli por conoce un poco mas di COMUNA 13, un luga yen di historia y di cambio. E revista ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
