Marsheline Kock, Aruba su Reina di Carnaval 2018, ta bibando un experencia completamente nobo y bunita, pero sigur uno cu tabatin su desafionan. Marsheline a bay Hulanda pa continua cu su estudio y el a logra haya un apartament net un siman prome cu su vuelo, cual tabata e rason cu e no a cancela su biahe. Apesar di e proceso un tiki ‘stressful’ di buscamento di vivienda, e por bisa cu e prome simannan tabata super agradabel y informativo.
Si Marsheline resumi su trayectoria di estudio na Aruba, e ta cuminsa na menciona su prome scol cu el a bishita cual tabata Jacinta Kleuter school, despues el a continua na Fatima College Basis pa sigui pa Maria College MAVO. Durante su añanan na MAVO a presenta un cambio cu e mester a sigui cu su estudio na Middag MAVO y por ultimo el a atende EPI den e ramo di Tourisme Administratie.
Na momento cu el a caba MAVO, e tabata sa cu e lo kier sigui su estudio den exterior, paso esey tabata un di su soñonan. El a propone su mes pa termina su MBO na Aruba prome cu sigui cu e siguiente paso. Marsheline ta bibando actualmente na Den Haag y ta siguiendo su estudio na De Haagse Hogeschool den e ramo di Bedrijfskunde. Reina di Carnaval 2018 ta conta entre otro cua tabata e momento mas dificil p’e den Focus Digital Magazine di september, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
