Aruba tabata manera un ‘amor a primera vista’ momento cu Paula Andrea López Aguilar a yega 10 aña pasa hunto cu su famia pa temanan laboral di su esposo. Siendo un arkitecto cu ya tabatin hopi proyecto grandi realisa, Paula a visualisa e oportunidad di por mehora e diseño y profiel urbano denter di e isla, y el a cuminsa su buskeda di oportunidad rond di esaki. Na 2015 nan a inicia cu e prome oficina di Zulo Arquitectos na Aruba, cu cual nan tabatin e oportunidad di diseña mas di 240 proyecto di tur indole, semper enfocando den e diseño arkitectonico y diseño interior di residencia di luho, edificio, restaurant y local comercial.
Paula Andrea López Aguilar a studia arkitectura na Universidad Catolica di Pereira y tin un Master den ‘Diseño Sostenible y Certificación Leed’ na Universidad di Barcelona. Desde prome cu Paula a gradua, ya el a inicia cu su prome practica y trabou cu profesornan arkitecto. Despues di algun aña di a gradua y traha pa empresanan Colombiano, Paula a biaha pa e ciudad di Panama pa traha na un empresa di Arkitectura y Diseño. E tabatin e oportunidad un tempo despues pa conecta cu un prestigioso constructora Colombiano di indole internacional, unda e por a desempeña diferente cargo y proyectonan grandi.
Pa Paula no tin un reto specifico, ya cu cada proyecto ta un reto nobo den e tayer di diseño, pero e ta kere cu semper ta e expectativa di e entrega y revision di e proyecto cu e cliente… y ora e ta aproba den e prome entrega, e ta un ’challenge’ supera. Den Focus Digital Magazine di october, Paula López ta splica di e tendecianan tanto den arkitectura como diseño di interior y ta mustra algun di e proyectonan espectacular realisa na Aruba.
Focus Digital Magazine ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
