Famia Rey-Gordon ta spera yegada di aña 2024 cu yen di emocion sperando e nacemento fin di januari di Baby S. Aruba su Reina di Carnaval 2017, Sabina Rey, ta den dushi espera di su ‘baby girl’ y ta super feliz hunto cu su pareha Shawn Gordon. E futuro mayornan aki a conoce otro atraves di amigonan mutuo den 2020.
Sabina Rey ta conta den Focus Digital Magazine, cu momento el a haya sa cu e ta na estado, el a keda basta asombra y alabes nervioso pa e reaccionnan cu e lo ricibi. Afortunadamente tur hende tabata super contento y feliz cu e noticia. Desde su prome trimester te cu awo, e por bisa cu tur cos ta bayendo bon danki Dios.
Shawn Gordon di su parti ta preparando pa ta e miho tata pa su yiu muhe door di lesa hopi articulo y wak hopi video riba You-Tube. E ta purba di tuma tur conseho di su mama y tata, y wak con nan a lant’e como un ehempel y lo haci su best pa ta un bon mayor manera nan tabata y ta cu ne.
Sabina y Shawn a scoge un nomber pa nan ‘baby girl’ cu ta cuminsa cu e letter ‘S’ y por lesa mas detaye den Focus Digital Magazine, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
