Desde su 6 aña di edad, Roxsen Schwengle tabata sa caba cu e kier bira un arkitecto. Usualmente mucha muhernan di e edad aki tabata hunga cu Barbie, pero Roxsen tabata encanta mas traha cas y barionan completo di Lego. E aspiracion aki nunca a cambia y e tabata determina pa haci esaki un realidad. Despues di a caba MBO richting Bouwkunde na Colegio EPI Aruba, el a sigui su estudio na Hulanda na 2005. Eynan el a obtene su Bachelor of Build Environment na Hogeschool Utrecht, y mientras e tabata bezig cu su estudio el a obtene acerca un Minor in Interior Architecture na Hogeschool voor de Kunsten Utrecht.
Despues di su bachelor, Roxsen Schwengle-Ras a haci un semester intensivo pa por a wordo admiti den e master’s program di Faculty of Architecture na Technical University of Delft. Durante su estudio academico el a specialisa den ‘Dwelling, Interiors and Public Building’ y na 2012 a gradua obteniendo su Masters of Architecture Urbanism and Building Sciences. Awe despues di 11 aña di a caba cu su estudio e tin cu bisa: “E mucha muhe ey di 6 aña tabata corecto! Tur dia mi ta haciendo locual mi ta gusta mas, mi ta bibando mi soño”.
Bolbe Aruba semper tabata e plan y ainda e gana tey pa un dia Roxsen Schwengle Ras bolbe su dushi isla. Sinembargo Bonaire ta puro coincidencia y por lesa mas den detaye con tur cos a surgi den Focus Digital Magazine di november, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
