Ora di busca un pareha nos como ser humano tin e tendencia di kier destaca cu nos carateristicanan di mas positivo y purba sconde esnan cu nos ta sinti e otro persona no lo aprecia. Nos ta cuminsa rechasa e caracteristicanan aki di tal manera cu hasta si nos reconoce nan den otro hende nan por afecta (trigger) nos. Y hopi biaha nos no ta of kier bira consciente di esaki. Nos por bula di un relacion pa otro y ora cierto obstaculonan presenta den nos caminda nos ta culpa e otro persona, cu a pone nos sinti di tal manera.
E relacionnan romantico ta hopi compleho y ta bin cu hopi desafio. Cual desafortunadamente, no tur ora nan ta manera nos ta wak den un pelicula romantico. Den realidad tur nos relacion adulto ta test nos, no tur ora nan ta bay den e manera cu nos a spera cu e lo bay, y hasta si nos haci nos best pa semper mustra lo miho di nos mes. Tin biaha nos ta sinti cu nos ta forsando nos mes. Nos ta sinti cu maske nos ta haci nos best, toch tin un bashi cu no ta wordo yena door di e otro persona.
E sicologo, Sabrina Sonensein, ta splica den Focus Digital Magazine di e luna aki cu nos tin necesidadnan basico pa nos sobrevivi manera awa, cuminda, aire y shelter. E ta mustra tambe cua ta 10 necesidad emocional cu si den transcurso di tempo, esakinan no wordo yena door di nos pareha, e problemanan lo cuminsa of sigui escala den e relacion. Tin hopi motibo externo pakico e necesidadnan aki ta wordo neglisha.
Lesa mas tocante e topico aki den e revista cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
