E aña aki tabata intenso y yena di hopi desaroyo pa Amelia Elskamp. El a siña hopi di e mundo di beyesa y conoce mas profundo su mes como persona. E ta un experiencia unico y un logro inmenso door cu den poco tempo el a logra yega asina leu. Di ta representando e districto capital y conkista corona di Miss Youth Aruba 2023 y un luna despues tin e honor di representa e isla completo na e certamen di Miss Teen Mundial.
Competi den 2 luna den 2 certamen ta algo di hopi balor pa Amelia, ya cu den tur dos certamen e por a wak diferente perspectiva di loke ta un reina di beyesa. Como un hoben di 16 aña e no ta tuma niun reto como dificil, aunke su edad por a sobresali door cu e tabata hopi mas jong cu mayoria di e otro participantenan den e certamen di Miss Teen Mundial cu ta tuma luga na Corsou.
Amelia Elskamp apesar di ta jong no ta laga nunca pa esaki ta un piedra den su caminda. El a confia semper den su inteligencia y esey ta un di e caracteristicanan cu a yud’e yega asina leu. Lesa cua tabata e desafionan di Amelia den Focus Digital Magazine, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
