![](https://focus.aw/wp-content/uploads/2023/12/Cover-Focus-Digital-311-6-586x1024.jpg)
Revista FOCUS den su version digital ya pa 3 aña caba ta cera aña cu su toke special y festivo. Siguiendo cu e tradicion durante e trayecto di 28 aña publicando un contenido cu ta inspira y motiva, a scoge pa e portada Anaël Misiedjan. E ta admirabel pa su logronan den deporte obteniendo en total 37 medaya tanto den competencianan local como internacional.
![](https://focus.aw/wp-content/uploads/2023/12/Anael-Misiedjan-coral-spring-22-768x1024.jpeg)
![](https://focus.aw/wp-content/uploads/2023/12/5364e803-8bf5-478d-94fe-848fcfd627f4-684x1024.jpg)
Sinembargo su bida a cambia inesperadamente y mester a stop cu deporte door di un enfermedad. E ta sigui pensa ainda cu e impacto ta teribel, pero e tabata sa cu e por haci algo otro cu su talento. Anaël ta conta con e oportunidad a surgi pa e subi pasarela cu exito como modelo y kico e ta desea pa logra den futuro.
![](https://focus.aw/wp-content/uploads/2023/12/Cover-Focus-Digital-311-A2-586x1024.jpg)
E di dos portada di Focus Digital Magazine ta ilustra Sebastian Montoya y Ziazian Goeloe, cu un storia di amor cu a inicia for di tempo cu nan a conoce otro na Mon Plaisir MAVO den 3de Klas. Nan amor a sigui florece durante e añanan y dia 7 di juli 2022, Sebastian a propone matrimonio na Ziazian na Medellin. Riba e mesun fecha aki despues di 1 aña nan a casa pa civil na Aruba. Cu e matrimonio eclesiastico celebra na Medellin dia 4 di october 2023 ta un deseo di Ziazian cu a ser cumpli.
![](https://focus.aw/wp-content/uploads/2023/12/ZIZISEBAS-583-1024x683.jpg)
E pareha ta describi ambos ceremonia tanto esun civil como esclesiastico manera un cocktail di emocion. Sebastian tabata 200% sigur cu e kier casa cu Ziazian. E tabata hopi contento tambe cu porfin e dia a yega despues cu nan a planea y warda un aña. Ziazian tabata hopi hopi excited di mes sperando e gran dia despues di lunanan di preparacion. E Look cu Ziazian Goeloe a scoge pa su enlace matrimonial tabata un escogencia cu el haci for di diferente modista y diseñador. E joyanan cu el a luci tin un nificacion y balor sentimental grandi pe.
Lesa e storia interesante di Anaël Misiedjan con el a siña acepta, laga los y adapta. Ziazian y Sebastian Montoya cu nan Boda di Aña cu tur e detayenan di un celebracion espectacular na Aruba y Colombia. Focus Digital Magazine di december ta accesibel via Apple iStore, Android Google Play Store y www.focus.aw (Menu Tab FOCUS DIGITAL)