Nunca George Heyliger y Gregory ‘Greg’ Auger tabatin otro luga den consideracion pa celebra nan matrimonio cu ta na Aruba, e pareha nan happy place. Ambos tabatin algun deseo special pa e ceremonia y celebracion di nan matrimonio. Pa Greg e tabata importante cu nan ta rondona pa e personanan cu tabata parti activo den nan relacion y a apoya nan como pareha. George tabata kier pa nan amigonan di Merca berdaderamente experencia Aruba. Nan a sinti maraviyoso pa trece asina hopi di nan amistadnan na nan di dos cas pa experiencia e isla.
George ta traha como buyer pa un surgical center reconoci na Dallas. Greg ta Senior Director of Operations Support di un empresa nacional rent-to-own cu sede na Plano, TX. Door cu George Heyliger ta Arubiano y ta biba na Merca, nan ta disfruta di un combinacion di custumber di Aruba y Merca tanto ora ta trata di cuminda como estilo di bida. George a biba na Merca durante hopi aña, pues no ta resulta straño p’e, pero nan tabata haci biahenan anual pa Aruba y gusta tin e experencia manera e hendenan di Aruba pa asina Gregory Auger sinti su mes na cas.
George Heyliger y Gregory ‘Greg’ Auger ta comparti nan storia con nan a conoce otro den Focus Digital Magazine di december y tambe e detayenan di nan encuentro, compromiso y celebracion matrimonial. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
