E aña ta inicia cu e beyesa, Abigail Lejuez, ilustrando e prome portada di Focus Digital Magazine pa 2024. Despues di hopi aña tin un otro miembro di Famia Lejuez di San Nicolas, cu ta bay competi den eleccion Reina di Carnaval. Abigail su dos tantanan, Rose Ann y Donna, a representa nan districto den eleccion di reina. Donna na 1977 a competi pa Reina Hubenil y Rose Ann a conkista e corona di Reina di Carnaval 1980. Abigail ta orguyoso di representa su grupo Empire/San Nicolas den Carnaval 70, cu ta un aña cu Aruba mester celebra grandemente.
Abigail su miho recuerdonan di Carnaval tabata cu su Oma Grace den feliz memoria, cu semper tambe ta gusta bay wak Carnaval y nan tabata baila masha hopi mes. Abigail gusta e Parada Grandi mas di tur e actividadnan di Carnaval y esun menos ta despues di Kimamento di Momo, pasobra e ora e sa Carnaval di berdad a caba e aña ey. Locual Reina di Empire Carnival Group/San Nicolas 2024 por anticipa pa eleccion di Reina di Carnaval 70 ta un show espectacular, su speech cu un mensahe super bunita y no pa lubida su ultimo presentacion den shimis di carnaval.
E di dos portada di Focus Digital Magazine ta ilustra C-Zar & Chelsea Olarte cu ta ansioso sperando e etapa como mayor. Nan a ricibi e noticia di un baby na caminda, cu lagrimanan di felicidad na nan wowo. Nan ta spera yegada di nan Baby Girl riba dia 18 di Maart y su nomber lo cuminsa cu Letter C. E nomber cu C-Zar & Chelsea a scoge pa nan yiu muher ta loke e ta nifica. Awor nan ta wardando nan prinses yega mundo pa dune bon bini pa asina cuminsa e etapa bunita di ser mayor. Cu nan por duna e guia, amor y naturalmente traha memorianan bunita cu otro.
Lesa mas di tur loke Abigail Lejuez ta comparti di su preparacion pa eleccion di Reina di Carnval 70 y di C-Zar & Chelsea cu nan Baby C cu ta yega pa completa nan felicidad. Focus Digital Magazine di januari ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
