Tempo nan a conoce otro ambos tabata sa exactamente kico nan ta desea den un pareha. Ora cu Irving Shawn Croes y Karen Torres a realisa cu ambos a topa e persona perfecto, nan a probecha cada momento pa siña conoce otro miho. Esaki ta encera e cosnan bon y tambe menos bon di otro. Nan tin puntonan fuerte cu ta complimenta otro y ta comparti e mesun balornan. Pa nan tabata hopi importante pa no solamente siña conoce otro, pero tambe nan famia. E temporada tabata uno cu nan a disfruta y awor nan ta sperando cu emocion pa nan capitulo nobo.
Shawn a nace na Aruba pero a pasa mayoria di su añanan como mucha y hoben na Hulanda, unda cu el a caba middelbare school y despues a regresa Aruba pa sigui su estudio. El a lanta su prome negoshi manera cu el a caba scol na 2016. Poco despues el a haci transicion pa e mundo di real estate y e ultimo añanan ta invirtiendo hopi tempo den e mercadonan financiero y ta combinando esaki cu real estate.
Karen a nace na Colombia y cu 6 aña el a bin biba na Aruba. Ora cu el a caba su estudio na EPI, el a bay biba na Hulanda pa sigui su educacion. Actualmente e ta trahando como docente di Spaans y e ta describi su mes como un persona cu gusta tuma retonan nobo, cu ta contribui na crecemento personal, cu ta pusha su limitenan y cu ta yud’e pa desaroya habilidadnan nobo.
Shawn y Karen ta comparti nan emocion dia di nan compromiso y detayenan di nan ‘destination wedding’ riba un fecha unico dia 4.4.2024 den Focus Digital Magazine, cu ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
