E tema manera a ser anuncia caba di e campaña di International Women’s Day 2024 ta ‘Inspira inclusion’. Ora nos ta inspira otro pa compronde y balora e inclusion di e hende muhernan, nos ta forma un mundo miho. Y momento cu e propio muhernan ta sinti nan inspira pa ser inclui, tin un sentimento di ta forma parti, di relevancia y empowerment.
![](https://focus.aw/wp-content/uploads/2024/03/IWD-2024-theme-InspireInclusion.jpeg)
Cu mas di un siglo di historia y cambio, e prome International Women’s Day (IWD) a ser celebra na maart 1911. Dia Internacional di Hende Muhe no ta un pais, grupo of organisacion specifico. E ta un dia di celebracion y activismo global colectivo cu ta pertenece na tur esunnan cu ta comprometi na establece e igualdad di e hende muhernan.
![](https://focus.aw/wp-content/uploads/2024/03/gloria-steinem-rose-byrne-1587295423-1024x1024.jpeg)
Gloria Steinem, feminista, periodista y activista di renombre mundial, a yega di splica: “E historia di e lucha di e muhernan pa igualdad no ta pertenece na niun feminista ni na niun organisacion, sino na e esfuersonan colectivo di tur cu ta preocupa pa e derechonan humano.”
Laga nos tur hunto yuda lucha pa un bon bataya. Tur actividad di IWD ta valido, esey ta loke ta haci cu IWD ta asina inclusivo. Uni y haci di Dia Internacional di Hende Muher bo dia haciendo tur loke por pa apoya y yuda avansa e hende muhernan.
![](https://focus.aw/wp-content/uploads/2024/03/1790a2ce-7bdd-45a5-a55d-2c529fb03ff7-840x1024.jpeg)
COMPROMETE PA INSPIRA INCLUSION
Ora e muhernan no ta presente, nos mester puntra: “Si no, dicon no?”.
Ora e muhernan ta wordo descrimina, nos mester denuncia e mal practicanan.
Ora e trato di e muhernan no ta husto, nos mester actua.
Y nos mester haci esaki tur ora, cada biaha.
![](https://focus.aw/wp-content/uploads/2024/03/9dad0af8-e137-4a29-8d85-e1342aa32380-768x1024.jpg)
TUR HENDE NA TUR PARTI POR INSPIRA INCLUSION
Organisacion, grupo y individuo rond mundo por desempeña un rol: den e comunidad, na trabou, na cas y mas aleu.
Pa berdaderamente inclui e hende muhernan ta significa acepta abiertamente nan diversidad di rasa, edad, capacidad, fe, imagen corporal y con nan ta identifica. Rond mundo e muhernan mester wordo inclui den tur actividad.
![](https://focus.aw/wp-content/uploads/2024/03/IWD2024-theme-womensday-2.jpeg)
CON BO TA INSPIRA INCLUSION?
Riba un base individual, ta importante pa compronde, balora y busca e inclusion di e muhernan y mucha muhernan. Ademas, comparti e conocemento aki, apoya y curasha otro ta e clave.
![](https://focus.aw/wp-content/uploads/2024/03/WhatsApp-Image-2024-03-07-at-4.04.13-PM2.jpeg)
Riba un base di organisacion of di grupo, tin hopi manera pa percura cu e necesidad-, interes- y aspiracionnan di e muher y mucha muhernan ta wordo balora y inclui. Organisacion- y gruponan por #InspireInclusion a traves di accionan den areanan manera;
Apoyando empoderamento economico di e hende muhernan
Recluta, retene y desaroya talento diverso
Sostene e muhernan y mucha muhernan den liderazgo, den tuma decision, negoshi y STEM.
Diseña y construi infrastructura cu ta satisface e necesidadnan di e muher y mucha muhernan.
![](https://focus.aw/wp-content/uploads/2024/03/IMG_8292-copy-497x1024.jpg)
Yudando tur muher y mucha muher tuma decision informa tocante nan salud
Involucra e muher y mucha muher den agricultura sostenibel y seguridad alimenticio
Proporciona na e muher y mucha muher acceso na educacion y formacion di calidad
Eleva e participacion y logronan di e muher y mucha muher den deporte
Promove talento creativo y artistico di e muher y mucha muher
Abordando otro areanan cu ta apoya e avance di e muher y mucha muher
![](https://focus.aw/wp-content/uploads/2024/03/ATA-WD-Heart-Group-photo-6-1024x468.jpg)
Strike #InspireInclusion pose
Bo ta in? Bo ta inspira inclusion? Dal bo pose #InspireInclusion pa mustra solidaridad. Ora nos ta realmente balora diferencia, inclusion ta surgi di curason. Inspira otro pa yuda construi un mundo inclusivo compartiendo bo imagen #InspireInclusion riba bo rednan social uzando #IWD2024 #InspireInclusion.
Colectivamente, laga nos #InspireInclusion pa e muher y mucha muhernan tur rond mundo.
Tur hende tur caminda por construi riba e historia di International Women’s Day (IWD) di mas di un siglo pa yuda na un cambio positivo pa e muher y mucha muhernan rond mundo.