Superando su 111 compañeranan di rond mundo, Krystyna Pyszková di Czech Republic a ser corona como Miss World 2024 na Mumbai, India, unda a celebra e certamen internacional e aña aki. A lo largo di un serie di evento durante e competencia preliminar di e certamen, incluyendo fitness, beyesa, talento y public speaking, varios concursante a gana nan luga “fast track” den top 40, un grupo di siguido a anuncia na comienso di e show.
For di eynan, e grupo a reduci rapidamente na 12 y despues pa top 8, momento cu e concursantenan a participa den e clasico rond di pregunta, abordando temanan discuti den e reciente G20 Summit. Ora nan a pidi pa trece dilanti un tema cu ta impacta specificamente e cuido di salud di e hende muhernan, Pyszková, un studiante di ley y modelo di 23 aña, a papia riba eliminacion di e stigma y berguensa rond di menstruacion, bisando cu ser muher ta un regalo y menstrua no mester ta un tema tabu.
Despues di un ultimo seleccion, cuater concursante mester a presenta nan proposito of plataforma filantropico na un trio di magnate di e negoshinan di “Shark Tank India”. Cada uno di e cuater finalistanan a representa un region diferente na mundo: Africa, America y Caribe, Asia y Oceania y Europa. E victoria di Krystyna Pyszková tabata riba e tres finalistanan aki: Yasmina Zeytoun di Lebanon, Aché Abrahams di Trinidad and Tobago y Lesego Chombo di Botswana. (E beyesanan aki hunto cu Jessica Gagen di Inglatera, ta wordo considera e ganadoranan continental di e certamen).
Krystyna Pyszková di Czech Republic ta reemplasa e Miss World saliente, Karolina Bielawska di Polonia, ken su reinado tabata for di maart 2022 cual door di problemanan di planeamento no a celebra Miss World 2023.
