E prome solo expo di Armando Goedgedrag ‘Desvela’ na 2022 tabata un exito total, unda el a exhibi 10 obra emotivo ilustrando historia y amor pa Aruba su ‘flora y fauna’. E highlight como artista ta e momentonan cu Armando por expresa algo cu el a wak of sinti a traves di su obranan. Esaki ta conta tanto pa su potret-, video- como su pinturanan. Desde chikito cu solamente 2 aña di edad ya Armando tabata mustra su talento den pintamento y alrededor di 16 aña el a cuminsa siña pinta cu verf acrylic.
E carera profesional cu e kier a scoge prome tabata pa bira pilot, pero ora el a ripara cu e vaknan na scol no ta algo p’e, el a dicidi pa focus riba algo cu e tabata gusta haci desde chikito, cual ta pintamento. Armando a sigui un curso cerca e artista Gustave Nouel y aki ta momento cu un mundo nobo a habri cu yen di posibilidad. Desde e momento ey, Armando Goedgedrag a dicidi pa bira un artista. El a aplica pa kunst academie, pero no a wordo acepta e tempo ey.
Despues di esey el a dicidi pa focus riba e mundo digital,paso e kier a haci su pasion di pintamento future proof. Pues el a bay studia Communication and Multimedia Design HBO na Noordelijke Hogeschool Leeuwarden. Eynan Armando a descubri su pasion pa fotografia y videografia. Despues di esey el a caba su estudio na Breda cu un Master in Animation. Na 2013, despues cu el a caba di studia na Hulanda, el a dicidi pa bolbe Aruba. Desde e tempo ey, el a cuminsa cu su compania Artmando Multimedia.
Locual Armando Goedgedrag gusta pinta mas tanto ta naturalesa. Esaki ta encera: animal, paisahe y lama. Un di su faboritonan ta pinta turtuga, paso nan colornan ta bunita. Cua ta e impacto cu e kier laga den historia di Aruba como artista pa e futuro generacion?… E contesta ta den Focus Digital Magazine di maart, cu ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
