The Boolchand Group a inaugura e impresionante localidad nobo di Pandora na L.G. Smith Blvd 17 na Forum Shops (Diamonds International Building), den e curason di centro di Oranjestad. Esaki ta un logro importante pa The Boolchand Group y Pandora, ya cu e ta mehora e accesibilidad y ta brinda un experiencia di compra ainda mas fascinante pa su clientela leal.
Anteriormente ubica den e area di tienda na Ling & Sons, e reubicacion di Pandora pa e localidad privilegia aki ta significa un cambio strategico pa sirbi su clientenan miho y eleva su presencia den e centro di ciudad. E tienda nobo ta posee un ambiente atractivo y un espacio amplio pa exhibi e coleccionnan exkisito di joya y diamanta cu acabado na man di Pandora, incluyendo tur nan piezanan unico manera hanger, armband, cadena, renchi dede y horea.
Ravee Nandwani, Director of The Boolchand Group, a bisa den su discurso cu e aña aki tin un significacion special pa The Boolchand Group, ya cu e alocacion nobo di Pandora ta coincidi cu 50 aniversario di The Boolchand Group na Aruba. Durante transcurso di e añanan, The Boolchand Group por a crece y diversifica su presencia na Aruba. Nan ta encanta di presenta nan magnifico tienda nobo den curason di Oranjestad, cu ta ofrece un experiencia di compra superior na nan valioso clientenan. Mientras cu nan ta inicia e capitulo nobo y emocionante aki, nan ta extende e mas sincero agradecimento na e comunidad di Aruba pa nan apoyo constante durante e ultimo 50 añanan. Nan ta agradecido pa e confiansa continuo di Pandora den nan como socio. Nan ta spera di duna bonbini na tur hende pa nan gran evento di reapetura y celebra hunto cu The Boolchand Group mientras ta cuminsa cu e festividad di nan 50 aniversario.
The Boolchand Group y Pandora ta invita e comunidad di Aruba pa join e celebracion di nan gran evento di inauguracion dia 21 di maart for di 5:00 PM pa 7:00 PM. E personanan presente lo bay disfruta di un evento magnifico cu bebida y snacks delicioso, como tambe di por participa na un emocionante rifa sin necesidad de realisa ningun compra pa participa.
