Ravee Nandwani, director di The Boolchand Group, a bisa cu mirando bek riba e 50 añanan, nan ta hopi orguyoso di loke nan a logra y ta excita pa e futuro. Nan biahe tabata di adaptacion, resiliencia y compromiso cu excelencia. Danki na e lealtad di e comunidad di Aruba en general, y mas cu tur, danki na e miembronan dedica y trahadonan di nan ekipo y nan famia, cu sin nan nada di esaki tabata posibel.
Cu e celebracion di The Boolchand Group su 50 aniversario nan ta reflexiona riba e biahe cu a trece nan aki y ta gradici e empleadonan dedica cu a haci esaki posibel. Nan ta spera tambe riba un futuro cu crecemento continuo y servicio na e comunidad di Aruba. Nan ta gradici nan clientenan y socionan cu ta parti importante di nan historia y ta invita e comunidad pa uni pa celebra e aniversario aki.
The Boolchand Group ta conmemora e aniversario di oro cu un serie di iniciativa durante henter e aña, diseña pa honra nan historia, celebra nan logro y duna bek na e comunidad di Aruba cu nan tin e privilegio di sirbi. Pa mas informacion tocante The Boolchand Group y nan celebracionnan di aniversario, sigui nan riba e rednan social of www.boolchand.com/aruba-50.
