Rey Felipe di Spaña a concede Prinses Catharina-Amalia un honor hopi prestigioso – Real Orden de Isabel la Católica. E orden civil Spaño ta ser otorga na personanan pa nan servicionan na Spaña of pa promocion di relacionnan internacional y cooperacion cu otro nacionnan. Den un boletin estatal siman pasa, Rey Felipe a mustra su deseo pa concede e honor na Amalia como muestra di su agradecimento na e prinses di 20 aña.
![](https://focus.aw/wp-content/uploads/2024/04/APR-16-Prinses-Amalia-1-1655729772-734x1024.jpg)
![](https://focus.aw/wp-content/uploads/2024/04/f786f-close-up-catharina-amalia-gala.jpg.png)
![](https://focus.aw/wp-content/uploads/2024/04/APR-16-Prinses-Amalia-457246176.jpg.png)
E distincion lo wordo luci pa Prinses van Oranje durante su debut na e cena di gala cu e lo comparti hunto cu Rey Willem-Alexander y Reina Máxima, Rey Felipe y Reina Letizia dia 17 di april na Koninklijk Paleis van Amsterdam. E famia real di Hulanda y Spaña semper a mantene un bon relacion, y e prinsesnan Amalia, Alexia y Ariane a crece bilingual papiando e lenga materno di nan mama cu ta Spaño, E bishita di Estado lo ta un gran momento pa Prinses Amalia, principalmente door cu un dia e lo bira Koningin der Nederlanden.
![](https://focus.aw/wp-content/uploads/2024/04/APR-16-Prinses-Amalia-1868069127.jpg.png)
![](https://focus.aw/wp-content/uploads/2024/04/Prinses-van-Oranje-2022-01.jpg)