Un dia magico, inolvidabel y sigur yena di hopi emocion ta keda graba e fecha 04.04.2024 di e maraviyoso enlace di Irving Shawnn Croes y Karen Torres Jiménez. E boda tabata tur y mas di locual cu nan a soña cu ne na Forest Campestre na Medellin, Colombia. Nan interes mutuo pa biaha conoce mundo a haci cu nan a scoge pa un ‘destination wedding’ y cumpli cu e deseo pa nan boda ta bunita y elegante, cu hopi flor y cu tur detaye di e decoracion ta resalta e tema di ‘travel’. Nan prome combersacion tempo nan a conoce otro tabata di tur e paisnan cu ambos lo desea di conoce.
E pasion di Shawnn y Karen pa biaha a inspira nan no solamente pa un ‘destination wedding’ pero tambe pa e tema di nan celebracion matrimonial, cu den un solo palabra a keda ‘Espectacular’. E weddingplanner a enfoca riba cada uno di e detayenan cu nan tabata desea di incorpora den e decoracion na Forest Campestre, cual a transporta e invitadonan den un biahe sofistica y yen di emocion. E ceremonia a ser efectua pa pastor Joël Jansen di HBN Church, cu pa Shawnn y Karen tabata un honor cu nan pastor por a forma parti di e gran dia aki.
Den Focus Digital Magazine di mei tin tur e detayenan di e boda di Irving Shawnn Croes y Karen Torres Jiménez, cu nan a comparti specialmente cu e siguidonan di Focus! E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
