E bunita Ex-Miss, Thalia Croes, ta super feliz cu e regalo bunita di un yiu muhe, cu su fecha pa duna luz ta dia 16 di mei 2024. Thalia y Jhon Lopez ta mayornan di dos yiu homber, cu ta yama Max Austin Lopez (6) y Matthew Adam Lopez (3). E nomber completo di nan yiu muhe nan tin caba, pero lo revela esaki despues cu e baby nace. Loke Thalia a comparti cu Focus ta cu e nomber ta uno cu semper ambos a gusta y un parti ta aparece varios biaha den su stamboom.
Thalia su experencia lantando 2 yiu homber ta cu tin dia cu por ta dificil manera hungamento bruto, coy hunga tur caminda of nan no ta di acuerdo cu algo, pero tin dia cu e cariño y atencion cu nan ta dune ta asina dushi, cu e no lo cambia esaki pa nada di mundo. Cu e yegada di un mucha muhe den e famia ta un deseo semper di Thalia pa tin un yiu muhe. E ta super feliz cu Dios su bunita regalo.
Den edicion di Focus Digital Magazine di mei cu tin su enfoke riba e celebracion di Dia di Mama, por lesa mas di e experiencia di Thalia Croes tempo e tabata chikito y awor cu crianza di su yiunan. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
