E unico trabou cu Gilliany Oduber a aplica p’e unabes cu el a gradua tabata na The Ritz-Carlton, Aruba como “Catering Sales Manager”. Actualmente e tin e posicion di “Senior Catering Sales Manager” pa The Ritz-Carlton, Aruba y The Ritz-Carlton, Turks & Caicos. Gilliany a gradua na Universidad di Aruba cu un Bachelor’s Degree den Mercadeo y despues el a obtene su Master’s Degree den Communications na Twente Universiteit, Enschede. Desde mucha semper su educacion tabata un prioridad y su amor pa carnaval semper a resalta logrando trece e di 3 corona na e ‘cas di reina’ como Aruba Youth Queen 2004.
Den Gilliany Oduber su posicion actual como “Senior Catering Sales Manager” e tin e placer di por confirma tur e eventonan, cu ta encera celebracion social na ambos hotel. Es decir, sea ta pa un celebracion matrimonial, evento local of pa celebra algo special na un di e islanan, Gilliany ta e persona cu lo confirma esaki pa bo. Maske mayoria di su dianan ta pasa ta bende cantidadnan grandi di camber y evento pa futuro, e trabou ta dun’e oportunidad di biaha hopi entre e islanan. E ta conoce tambe clientenan di diferente caminda di mundo y alabes atende conferencianan grandi pa e por sigui crece y representa e hotelnan.
📸 Charlotte Citroën
E mas bunita di su trabou ta pa e por tin e oportunidad di confirma celebracion special na unda cu turista ta bin e isla pa crea memoria cu nan nunca lo lubida ta special riba su mes. Pero p’e pa por conta cliente mas di e “damas y cabayeros” cu nan lo topa unabes nan ta na e hotelnan, ta simplemente e mas bunita di su trabou. Pa Gilliany mes e cambio mas grandi a sosode den e proceso ora cu como persona a keda crece ambos den area personal y tambe profesional. E cambionan di mas grandi a sosode den e ultimo aña unda cu el a transforma su bida pa pone su mes na prome luga.
Den Focus Digital Magazine di juni, Gilliany Oduber ta comparti diferente aspecto interesante tanto di su bida personal como su carera profesional. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
