E tabatin un rol crucial a traves di su compromisonan den media pa garantisa como Director of Consumer Research na London Stock Exchange Group (LSEG) cu e empresa sigui tin un luga prominente den prensa y den aire. Esaki hopi biaha na luga di su competidonan den algun di e medionan di noticianan financiero mas grandi y influyente mundialmente. Jharonne Martis ta naci na Aruba y residencia na New York pa 19 aña caba. Ademas di su funcion Jharonne tin otro posicionnan clave den e empresa incluyendo Retail Analyst – TV Contributor – Writer – Mentor – Speaker.
Jharonne ta un guest speaker regularmente na CNBC, Fox Business, Reuters TV y otro plataformanan importante di noticia. Su comentarionan a aparece den The New York Times, The Wall Street Journal, CNN y The Financial Times. Aña pasa Jharonne a keda selecciona pa participa den e programa LSEG Illuminate, cu ta un grupo di lider color scur y latino, y nan aliadonan dedica na duna empuhe pa un cambio.
Como parti di e iniciativa aki, e grupo ta colabora den proyectonan destina na crea un movimento mas amplio na fabor di diversidad y inclusion. Un di e proyectonan aki ta e podcast “Rippling Conversations” cu ta busca ampliacion den enseñanza, comparti historianan personal di triunfo y desafio, y explora e impacto di diversidad den e luga di trabou.
Door di su experiencia amplio den media, Jharonne a keda eligi pa presenta e serie di podcasts, cu a ser graba na London den october. Jharonne a sinti’e emociona pa inicia den e trayecto nobo aki. Lesa mas di Jharonne Martis den Focus Digital Magazine di november, loke e ta haci fuera di su logronan profesional. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
