Aruba Bank ta orguyoso di patrocina e participacion den e Parada Escolar anual pa scolnan Preparatorio y Basico na Oranjestad. E patrocinio a yuda Prinses Amalia Basisschool, Colegio Conrado Coronel y Scol Paso pa Futuro pa por forma parti den e evento cultural y educativo importante aki.
Como parti di e compromiso continuo di Aruba Bank na e comunidad Arubano, nan ta kere den e poder di e proximo generacion door di sostene eventonan cu ta fomenta spirito escolar, union y aprecio cultural. Parada Escolar ta un tradicion vibrante y significativo, y Aruba Bank ta contento di por a contribui na su exito, asina garantisando cu tur studiantenan por participa y mustra nan orguyo pa nan scol.
E banco cu ta celebrando su di 100 aniversario e aña aki ta reconoce cu ta importante pa inverti den nos hubentud. Pa duna nan experencianan cu ta construi confianza, trabou den ekipo y e celebracion cultural. Aruba Bank ta comprometi na sostene iniciativanan cu ta contribui na desaroyo y bienestar di e futuro di Aruba.
