Su biahe pa Bonaire a cuminsa na 2002 despues di añanan di trabou y competencianan intenso di arkitectura, cu a culmina cu e victoria pa dirigi e proyecto di construccion di un compleho di 22.000 metro cuadra pa e cede di ADAC na Dortmund, Alemania. Felicia Schütte su prome vakantie despues di añanan di trabou incansabel a hib’e Bonaire, unda ora el a baha di avion a sinti un sensacion inexplicabel di ta na cas. Aunke el a trata di rasona – teniendo origen Rumano y Aleman, pero sabiendo di tin niun conexion cu Caribe – e sensacion di nostalgia loco pa bay Bonaire a persisti.
Un aña despues Felicia a regresa cu nada mas cu un rugzak pa un sabbatical di ocho luna. E no a bay nunca mas di eynan. Bonaire a acept’e cu brasa habri y e tambe e isla, honrando y respetando su hendenan, beyesa y cultura como e cas di su escogencia. Felicia ademas di arkitectura tin un pasion grandi pa fotografia cu desde su infancia a forma parti di su bida. El a cuminsa cu un camara Agfamatic Ritsch Cam di añanan 70, modelando tempo e tabatin 20 aña y despues evolucionando den su carera den arkitectura, unda el a revela film den darkroom pa capta modelonan arkitectonico.
Cu tempo, fotografia a converti den algo mas cu un habilidad: el a converti den un pasion profundamente integra cu su vision artistico. E link entre arkitectura y fotografia ta den observacion entrena, pensamento conceptual, intuicion y comunicacion. Inspira pa e principio “form follows function – Mies van der Rohe”. Felicia ta kere cu cada imagen y espacio cu e crea mester tin un proposito, un rason of expresa un historia.
Felicia Schütte a realisa e session di fotografia cu Candy Reino pa edicion di Focus Digital Magazine di maart. Den e revista Felicia ta splica di su estilo di diseño arkitectonico y su estilo como fotografo. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
