Shashinduska Nazir a biba un experiencia inolvidabel di cuatro luna durante e certamen di Miss Universe Dutch Caribbean. E tabata un periodo di trabou duro, crecemento y diberticion hunto cu shete muhe fuerte y bunita. Como e ganadora di e certamen awor Shashinduska ta e representante di Caribe Hulandes den e gran final di Miss Universe Netherlands dia 5 di juli. E ta emociona di representa su region y competi cu e otro 12 provincianan. E ta considera su mes un persona apasiona cu un deseo fuerte di halsa su bos y empodera otronan pa haci mescos cu ne.
Miss Universe Dutch Caribbean tin 26 aña y actualmente ta bibando na e ciudad vibrante di Rotterdam. Su herencia ta un bunita mescla di origen Curasoleño pa parti di mama y cultura Pakistani. Shashinduska a crece den un hogar hunto cu ocho ruman – tres ruman homber mayor y ruman muhe – pues nunca tabatin un momento laf na cas. Desde hoben musica a converti den su santuario. Canta a cuminsa como un hobby, pero rapidamente el bira algo mas, su forma di expresa sentimentonan cu no semper e por a pone den palabra.
Un di Shashinduska Nazir su logronan reciente mas significativo ta lansamento di su plataforma riba Instagram: @unheardvoices.roc. E ta mas cu un simpel pagina; e ta e prome paso pa construi su propio organisacion non-profit, enfoca riba eliminacion di pobresa y hamber, specialmente pa famianan y muchanan cu ta sinti nan lubida. Miss Universe Dutch Caribbean ta den Focus Digital Magazine di mei contando mas di su soñonan cu finalmente e ta mira bira realidad. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
