E tabata un sentimento extra special pa Sarah van der Steen, cu a yega beurt pa e casa cu su amor, Murley Coen, despues di a planea tanto ‘wedding’ na Aruba. E team di ex-coleganan di Aruba Weddings for You, a yuda nan cu tur detaye pa e casamento. Nan tabata hopi excita pa comparti e dia cu tur nan amistad y famia. Sinembargo nan no a imagina cu asina hopi hende lo biaha bin Aruba pa ta presente riba 18 di december 2025. E invitadonan a consisti di mita di Aruba y mita di exterior, cual pa Sarah y Murley tabata realmente un bendicion.
Sarah y Murley a conoce otro na Hotel Okura Amsterdam, unda ambos ta traha. Murley como Sales Manager y Sarah ta Events Manager, automaticamente nan mester a traha hopi cu otro. Murley tabata biba na Amsterdam, y tur mainta y atardi e tabata cana bay trein cu Sarah. Pocopoco nan a conoce otro miho y nan amistad a crece te converti den amor. Sarah a studia na Universidad di Aruba y a traha na Aruba Weddings for You na Divi Tamarijn. Despues el a sigui su estudio na Hulanda logrando dos master’s degree y a cuminsa su carera.
Den Focus Digital Magazine di e luna aki, Sarah ta conta con el a reacciona momento cu Murley a bay riba rudia den sala di nan apartamento pa puntr’e pa bira su esposa. Nan celebracion matrimonial na Aruba tabata perfecto y inolvidabel, cu un bendicion extra di ariba. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
