Februari no ta djis un luna; e ta un portal di vibracion. E energia colectivo ta suavisa, e curason ta expande y henter e universo ta parce ta fluister na nos cu amor ta e forsa cu ta sostene bida. Dia di San Valentino, mas aya di su nificacion romantico, ta un recordatorio cu e energia di amor ta e frecuencia di mas halto cu nos por encarna.
E energia aki ta un campo luminoso cu ta ordena, limpia, magnetisa y transforma. Ora bo activ’é, bo aura ta expande, bo relacionnan ta harmonisa y bo caminda ta wordo ilumina cu oportunidadnan cu antes tabata parce invisibel. Vibra den amor ta habri e porta pa magia.
Con activa e energia mistico aki? Carol Andrea Correa, terapeuta energética y creadora de Aluna ta splica e diferente actonan con pa activa e energia mistico aki den Focus Digital Magazine di e luna aki. E prome acto ta e Ritual di Curason ‘Luminoso’ y hunto cu e otro dosnan cu e ta menciona ta un yabi energico cu ta habri bo campo pa un frecuencia mas halto.
E siguiente acto ta Con sostene un vibracion halto. Ora bo sostene e vibracion aki, bo bida ta cuminsa aliñea cu loke bo merece di berdad. Un di e actonan aki ta pa rondona bo mes cu color, aroma y zonidonan cu ta eleva bo espirito. Lesa mas den e revista cu ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
📞 6412112
