E momento cu Gabriela Croes, Reina Grandi TOB, a wordo eligi como Aruba Carnival Queen 2026 no a sinti real, e ta kere cu e tabata un poco den shock. E ta describi e secondenan prome cu por a sinti e Prins y Pancho yegando cerca pa bay saca e reina como un momento cu ta causa panico. E competencia tabata fuerte, pues e momento cu nan a eligi’e, el a grita den su cabes! Gabriela a purba di keda calmo y djis smile, pero e tabata gritando di paden. El a sinti feliz y shocked. El a wak su apoyo bira loco di alegria door cu nan tur a traha masha duro tambe pareu cu ne.
Gabriela Croes (28) a lanta den un famia cu ta stima Carnaval. Semper nan tabata bay wak parada y topa otro miembronan di famia cu ta disfrutando den parada. El a crece cu un pasion pa tur cos creativo y el a bay studia y traha den filmmaking na Hulanda. Despues el a studia Comunicacion tambe y actualmente ta trahando como ‘Social Media Manager’. E ta bibando na Hulanda y lo kier bin Aruba bek, pero el a haya hopi great cu Arubianonan bibando afo por bin competi tambe pa Reina. Di e forma aki ta duna e studiantenan e oportunidad pa ta parti di nos Carnaval.
Locual a inspira Gabriela participa na e eleccion di reina ta pasobra e stima Carnaval! Tur aña e tabata wak e eleccion y sinti e amor pa carnaval riba stage. E tabatin e deseo di traha memorianan nobo y experiencia esaki un biaha mas. El a competi pa Reina Hubenil 2014 y e biaha aki e mes por a carga e eleccion financieramente. Esaki tabata su chens como adulto pa por manda su mes pa Reina. Gabriela a spaar pa dos aña, un aña largo el a brainstorm y traha hunto cu su miho amigonan formando e team, mensahe y show.
Reina di Carnaval 72 ta bisa con e lo kier pa wordo recorda como nos reina di carnaval di e aña aki y ta comparti hopi tips interesante pa e futuro reinanan y carnavalistanan den Focus Digital Magazine di februari, cu ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
