Aruba Airport Authority N.V. (AAA), conhuntamente cu Wingo, Gobierno di Aruba, Aruba Tourism Authority (A.T.A.) y stakeholdernan clave di turismo, orguyosamente a celebra e inauguracion di e servicio directo nobo di Wingo entre Barranquilla (BAQUA), Aruba, marcando otro logro importante den fortificacion di conectividad aereo entre Aruba y Colombia.
E servicio nobo di Barranquilla cu ta dura henter aña a cuminsa oficialmente dia 9 di juli cu su vuelo inaugural for di Barranquilla den oranan di mainta, sigui pa su yegada den oranan di atardi na Aruba. E vuelo inaugural entrante a yega cu 156 asiento ful ocupa, reflehando e demanda fuerte pa biahe entre Colombia y Aruba. E celebracion tambe a reconoce e lansamento exitoso di e servicio di Bucaramanga (BGA) di temporada di Wingo, cu a cuminsa bula dia 17 di juni 2026 te cu 15 di augustus 2026.
Pa conmemora e logro aki, a tene un ceremonia di inaugural na Aeropuerto di Aruba dia 9 di juli 2026, despues di e yegada di e buelo di Barranquilla. E celebracion a trece hunto representantenan clave di Gobierno di Aruba, Wingo, Aruba Tourism Authority y stakeholders di turismo. E evento a conta cu remarkenan oficial di Minister di Turismo, Transporte y Labor di Aruba, mr. Wendrick Cicilia, como tambe discursonan di Carlos Meléndez, Director di Network Planning and Performance na Wingo y Barbara Brown, Chief Revenue Development & Communications Officer na Aruba Airport Authority N.V.
Colombia ta sigui ta un di e mercadonan mas strategico di Aruba den Latino America. Cu e adkisicion di Barranquilla y Bucaramanga, awo Wingo ta opera servicio directo entre Aruba y cinco ciudad Colombiano; Bogotá, Medellín, Cali, Barranquilla, y Bucaramanga—ofreciendo biaheronan mas comodidad mientras ta apoya Aruba su strategia di diversificacion turistico y desaroyo continuo di servicio aereo.
E rutanan nobo aki ta refleha e compromiso y asociacion continuo di Aruba Airport Authority cu Wingo cu ta sigui fortalece e conectividad regional di Aruba y sostene desaroyo economico sostenibel. Pa medio di colaboracion continuo cu partnernan di aerolinea manera Wingo, gobierno y stakeholdernan di turismo, Aeropuerto di Aruba ta keda enfoca riba expansion di su red internacional y crea oportunidadnan di biahe nobo cu ta beneficia residentenan, bishitantenan y e industria di turismo di Aruba.
Detayenan di vuelo
Aruba (AUA) – Barranquilla (BAQ)
Servicio henter aña cu opera tur diahuebs y diadomigo.
Aruba (AUA) – Bucaramanga (BGA)
Servicio di temporada ta opera tur diaranson y diasabra te cu 15 di augustus 2026.
Ticket y reservacion
Ticket ta obtenibel a traves di Wingo su website oficial www.wingo.com y agencianan di biahe autorisa.
Pa mira e ultimo orarionan di vuelo di Aeropuerto di Aruba y explora nos red di destinacionnan, bishita www.airportaruba.com/flight-schedules
